ИМПРЕСИИ ОД ПРВИОТ ЧАС

-


Еден по полноќ, а јас се уште со адреналин од првиот час на Работилницата.

Ученичките ми се прекрасни, сите колешки со завршен филолошки, писателки. Уште првиот час сфатија се, напишаа совршено добри вежби. После часот ми изразија благодарност и ме пофалија. Има ли поголема радост? Вака се чувствував на промоциите на моите книги. Одвај чекам заедно да креираме следниот час, бидејќи нема ништо повозвишено од чинот на креација и споделување на знаењето. Понекогаш се сеќавам на извесни професори кои само ни диктираа, а можеа да не учат нешто вакво. Дали не е време да се отвори предмет Креативно пишување на сите групи на Филолошкиот факултет. Колку писатели ќе имавме во овие 70 години..

Во групата има и помлада писателка, чии дела ги очекувам со нетрпение. Беше скептична дали припаѓа кон групата. Секако, бидејќи најдобро се учи од искусни.

Вежбата која ја зададов, беше да напишеме расказ, инспирирани од вест, преземена од црна хроника во весник. 

Драги мои, инспирацијата е насекаде. Напишете и вие приказна според настан од црна хроника и пратете ми ја  на маил: saskadimitrovagmail.com.

Најдобрата ќе биде објавена на мојот блог.

Ваша, Sash





Comments

Post a Comment

Popular posts from this blog

Книгите (според Sash) кои секој писател мора да ги прочита

-
Image
E ден од модулите на мојот курс за Креативно пишување само ја допира интертекстуалноста, која е посебен дел од теоријата на литературата.   Дијалогот со великите писатели е неизбежен и ако сакате да бидете успешен писател не смеете да си дозволите да читате сомнителна литература од автори без репутација.  Ако не знаете што да одберете кога купувате, само прашајте дали авторот има добиено светски позната награда .  Јас денес ќе ви предложам 25 книги кои мене ми направиле умствена еурека. Има уште 2000 кои можам да ги набројам, но авторите на книгите кои ќе ги набројам се, секој сам за себе, неисцрпно море во кое можете да пливате цел живот: 1.Мајсторот и Маргарита 2.Евангелието според Исус Христос 3.Неподнислива леснотија на постоењето 4.Воскресение 5. Сто години самотија 6. 1984 7. Браќа Карамазови 8. Клетници 9. 1q84 10. Добра земја 11. Се викам црвена 12. 40 правила на љубовта 13. 5 агли 14. Ана 15. Вештица 16. Миракули на грозомората 17. Столот на Елијах 18. Куќа на
Read more

НАШАТА ХРИСТИНА КОЧОВСКА -РАСКАЗ „ТРИПАТИ ВО НОЌТА“

-
Image
Драги читатели, Есенската група од Работилницата за креативно пишување полека привршува, а моите драги ученички-писателки кои од првиот час се уникатни и многу креативни, за само пет часа се дооформија во писателки со сопствен стил, преференци и идеи за нивните следни збирки раскази и романи.  Јас на минатиот час, инспирирана од новелата на Алесандро Барико „Трипати во ноќта“ им дадов предизвик да напишат расказ во кој еден маж и една жена ќе се сретнат три пати во една ноќ, во хотел во Скопје. Секако резултатот беше неверојатен, дури и за мене. Тие за само еден училишен час успеаја да одговорат на предизвикот и да напишат расказ! Расказот на Христина го објавуваме прв, по случаен избор.  Следните денови ќе ги објавиме и расказите на останатите писателки. Дотогаш уживајте во верзијата на Христина Кочовска. Мене ми беше исклучителна чест и задоволство да ја менторирам нејзината работа, да  ѝ  помогнам да го унифицира својот стил. Верувам дека оваа млада писателка ќе биде ново големо име
Read more

ЅВЕЗДАНА „ЦРВЕНКАПА И НЕЈЗИНОТО ЛУДИЛО“

-
Image
  Драги мои, Нашата Eсенска Работилница полека ги дава првите резултати. Ѕвездана направи римејк на познатата сказна „Црвенкапа“. Слободно давајте ги вашите коментари и оцени. Ева го облече црвениот капут и излезе низ вратата од станот. Додека се симнуваше по скалите, со едната рака си ја поднамести капата. Црвената плетена капа ѝ стана заштитен знак. Ја обожуваше бидејки пред неколку години ѝ ја сплете нејзината баба, но и затоа што ѝ прилегаше совршено на зелените очи и русата коса. Другарките, на шега ја викаа Црвенкапа, секогаш кога ја носеше.  Симнувајќи се по скалите, со ќесата во едната рака, Ева безуспешно се обидуваше да го стегне капутот, затоа што надвор времето беше студено. Сакаше што побрзо да го однесе гроздовиот сок на баби си. Ружа одново беше анемична, и беше убедена дека сокот ѝ помага. Кога излезе од зградата, Ева веднаш се покаја што се реши да оди пеш, наместо со автомобил. Ветрот беше ледено студен и продираше низ облеката. Го мразеше чувството кога ветро
Read more