КРЕАТИВНО ПИШУВАЊЕ

  Драги мои,  Деновиве мојот инбокс е преполн со прашања и тоа многу ме радува. За срамежливите и за оние на кои не успеав да им одговорам, тука ќе напишам објаснување на некои од дилемите кои ве мачат. Сите кои ми се обраќаат за соработка сакаат да дознаат дали ако ги посетат часовите по креативно пишување ќе научат да пишуваат.  Дали возраста е важна?  Дали е можно да се научи да се пишува како писател? Нели за тоа е потребен само талент?   За жал талентот е само дарба, која ако не е правилно менторирана, може да пропадне или да резултира со дела кои не се интересни за читателите.  Јас ќе ви направам паралела со спортот. Дали мислите дека Надал бил само талентиран за играње тенис и дека седејќи дома и гледајќи тенис станал еден од врвните тенисери или морал да тренира секој ден, да има тренер кој секојдневно го советува каде греши и кој му давал инструкции како да се надминува себеси и другите играчи? Исто е и со пишувањето.  Јас не можам да ви ...

  Драги мои Зимската Работилница за креативно пишување е на половина пат, а учесничките се повеќе од креативни. Јас после секој час им давам нов креативен предизвик на моите ученици. Минатиот час ги замолив да напишат расказ според еден новинарски текст, кој мене ми се виде интересен, помалку комичен, а по малку бизарен. Веста беше објавена на off.net, со итерпретации од редакцијата на овој весник: Лошо: жена повеќекратно го прободува својот сопруг со нож. Полошо: затоа што на мобилниот му открила слики со помлада и послаба жена. Врв на љубомора: сликите се од нејзе кога била помлада и послаба жена. Како што опишува полицијата, за време на нападот Леонора Н. е во „заслепувачки бес“ од фотографиите што ги фаќа кај сопругот на мобилен. Непомирливоста на Леонора ја опишува и полицискиот извештај според кој кога полицијата влегува во нејзиниот дом, сопругот Хуан Н. веќе има повеќе убоди од нож на рацете и нозете. Леонора не му дава шанса на Хуан ниту за една реплика одбрана, туку ведна...

Драги наши, Третата писателка која денес ќе ја читате се вика Маша Тодевска. Научно-фантастичната поетика на нејзината проза искрено ме восхити. Таа е нешто помлада од сите досегашни учесници во Работилницата, па од неа очекувам томови романи за нашите читатели. Ma ша Тодевска „Трипати во ноќта“ (расказ напишан според истоимената новела на Алесандро Барико) Целиот свет пропадна под мракот, кој како прекривка ги покри сите емоции, задушувајќи ги. Градбата изгледаше поголемо од вообичаено, почудесно и потаинствено. Хотелот „Александар Палас“ беше осветлен, но неприродната темнина имаше надвладеано и ретка магла го обвиткуваше хотелот. Пол, исцрпен од долгата ноќ помината шетајќи низ Скопје, без двоумење реши да го заврши тој ден и да продолжи со прошетката следното утро. Тој не знаеше дека наскоро ќе се сретне со една личност која ќе биде неговата пропаст. Како што излегуваше од својот автомобил, тој ја забележа прекрасната дама која внимателно чекореше кон хотелот. Изгледаше како само...

Драги читатели,  Денес го објавуваме расказот на Веда. Поради нејзината желба да остане анонимна, јас нема да откривам ништо за неа, освен дека сум среќна што ја запознав. Уверена сум дека од неа следат нови книжевни предизвици, кои ќе ве израдуваат и вас, читателите.  „ Трипати во ноќта“ (според истоимената новела од Алесандро Барико) Напишано од Веда   Мал спортски автомобил се движеше низ скопските полупразни улици со огромна брзина. Зад воланот беше Елена, сопруга на тајкунот Иво Попчевски. Нејзината моќ ја потврдуваше несекојдневната регистрација  „EP 007“ – Елена Попчевска. Нејзиниот немирен дух сакаше брзо возење. Овој пат причината за покачениот адреналин беше друга. Таа бегаше. Во куќата на Водно остави машки труп. Расправијата со нејзиниот сопруг заврши кобно. Тој, мртов, на белиот, крвав килим во спалната соба. Таа закитена со модар накит околу вратот и окото. Причина за расправијата беше нејзиното неверство, овојпат докажано со слики од изнајмен ...

Драги читатели, Есенската група од Работилницата за креативно пишување полека привршува, а моите драги ученички-писателки кои од првиот час се уникатни и многу креативни, за само пет часа се дооформија во писателки со сопствен стил, преференци и идеи за нивните следни збирки раскази и романи.  Јас на минатиот час, инспирирана од новелата на Алесандро Барико „Трипати во ноќта“ им дадов предизвик да напишат расказ во кој еден маж и една жена ќе се сретнат три пати во една ноќ, во хотел во Скопје. Секако резултатот беше неверојатен, дури и за мене. Тие за само еден училишен час успеаја да одговорат на предизвикот и да напишат расказ! Расказот на Христина го објавуваме прв, по случаен избор.  Следните денови ќе ги објавиме и расказите на останатите писателки. Дотогаш уживајте во верзијата на Христина Кочовска. Мене ми беше исклучителна чест и задоволство да ја менторирам нејзината работа, да  ѝ  помогнам да го унифицира својот стил. Верувам дека оваа млада писателка ќе б...

              Најчестото пр ашање кое ги мачи писателите е како да ја подигнат својата читаност, односно како да привлечат поголем аудиториум . Ако сте писател кој сака да биде читан, прво запознајте го читателот. Читајте ја популарната современа литература, гледајте ги популарните серии и филмови, но присетете се и на старите добри сказни, библиски приказни и локални преданија.  Неговото височество читателот од 2021 е зафатен, уморен, нетрпелив, бомбардиран од информации и содржини и најчесто се „лепи“ на приказни кои му се познати и препознатливи. Модерниот читател нема време за предолги и патетични емотивни епизоди. Кај писателите почетници една од најголемите грешки е креацијата на премногу сензитивни ликови , идеализација на љубовта или предолгите описи на сетингот, или пак обременоста со симболика и филозофии, сфатливи само за авторот.  Верувајте, никој не сака да чита таква литература. Факт е дека во секој тип уметност...

  Група та на Работилницата за креативно пишување, која започна на 28 февруари 2021 заврши вчера . Моите драги ученички-писателки и кога започнавме беа одлични, но после првите три сесии, тие значително ги подобрија своите приказни. Пишувањето проза е креација на приказна . На часовите освен што учевме и креиравме, ние се смеевме и споделувавме искуства, размислувања и идеи. Заеднички откопавме ментални слоеви кои не ни беа познати и започнавме инспиративно пријателство.   Јас знам дека сите пет ќе бидат мои пријателки до крајот на животот и дека ќе се радувам на секој нивен книжевен успех, како на свој. Им посакувам да ги достигнат ѕвездите ! Ги охрабрувам сите кои имаат талент, но се „закочени“ во креативниот процес да не се двоумат, да не одложуваат, да не се мачат себеси. Работата во група е исклучително инспиративна! Ги очекувам Вашите пријави на saskadimitrova@gmail.com.   Ваша Sash